حكايتي مع ساهر

بدايه الحكايه فلاش في العين على طريق ابوبكر الصديق رضي الله عنه والكاميرا المتحركه في الخدمه.

السرعه 82 كم تقريباَ.

لوحه السرعه بعد الكاميرا 80 كم.

وبما ان المسموح هو 10% اضافيه فانا في السليم.

والفلاش لمن في الخدمه.

بعد اسبوع نغمه رساله فيها مخالفه بـ300 ريال.

رحت الموقع وحطيت رقم المخالفه طلع الفلاش سابق الذكر.

قررت زياره موقع مرور الرياض وتقديم شكوى.

المفاجاة بعد اقل من 24 ساعه ….

Untitled

وبعدها بيومين ….

Untitled2

فرحت بالرد اكثر من فرحتي لو قالوا تعال راجعنا ونلغيها.

وشلون صار ممكن تخلص اشغالك الكترونيا بدون ما تضيع وقتك بمشاوير.

رديت عليهم بهالايميل

Untitled3

طبعا الايميل كتبته وانا على الرصيف ومصور اللوحه من العجله..

20121006_202723

بعد يومين..

Untitled4

سافرت ثم يوم رجعت كان تو الدوام بادي قلت ارسل لهم تذكير

Untitled5

نشبت لهم في يومين ورا بعض.

دقوا علي وكنت في اجازه وصاكها نومه.

لقيت موجود ودقيت عليه رد موظف اعتقد انه ضابط وسالني عن مكان اللوحة اللي صورتها وعطيته المعلومه وقال انه بيرسل الاجابه لهيئة الفصل.

قال تراي مرسل لك ايميل ودقيت على ارقامك كلها ولحد يرد.

Untitled6

قلت اجازة ومكبر الوسادة.

قفل ونسيت اطلب اسمه علشان اذكره في التدوينة وارسلت له ايميل اطلب اسمه ولا رد.

بعدها بكم يوم اتصل موظف اسم التويجري وشرح لي ان فيه لوحه قبل السياره سرعتها 70 كم و سياره ساهر تلتزم باللوحه اللي قبلها مو اللي بعدها.

وتاسف اسف شخص كنك مسلفه ويبيك تمدد له 🙂 .

ودفعتها 500 ولكن والله كانت بارتياح و فرح بتطور الخدمات عندنا.

انا مع ساهر قلبا وقالبا.

خفت الحوادث التزموا الناس بالاشارات.

واللي معترضين انها تكون في اماكن خفيه اقول لهم التزم بالسرعه ولا تشيل هم.

القصد الالتزام بالانظمه للانظمه مو علشان المخالفه.

ولي حديث عن قيمه المخالفات في البلد عموما في تدوينه قادمة.

وفي الاخير احب اقول لكل اللي ردوا علي في المرور…

anigif_enhanced-buzz-18852-1354543805-0

وشكرا لكم انتم قرائتكم للتدوينه حتى لو ما اعجبتكم.

تعليقان على “حكايتي مع ساهر

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *